GSM уред за следење
Spot Gen3 уредот служи за комуникација во критични и ситуации кога нечиј живот е загрозен кога на располагање немате пристап до мобилна телефонија. Моделот што ви е на располагање овозможува вашето семејство и пријателите да знаат дека сте добро, односно во случај на несреќа или друга потреба, да им испратите информација со вашите GPS координати – и тоа само со притискање на копче. Уредот е цврст, отпорен на удари и паѓање, со мали димензии и секогаш е поврзан со сателити.
Туристички водич
Дигитални уреди кои се лесни, трајни и едноставни за користење од страна на посетителите во паркот. Наменети се за индивидуална употреба со соодветни слушалки. Користат аудио водич систем со мануелна селекција на снимениот материјал. Корисникот самиот одлучува на кој јазик ќе ги слуша информациите, односно за кој експонат (според бројот поставен на него). Дополнително, уредите можат да се користат и на било кое место во паркот за кое ќе има снимена информација.
Уредите користат соодветна батерија за повеќекратна употреба со посебен адаптер за полнење.
Wi-Fi Места
На неколку места во паркот поставени се уреди кои овозможуваат активирање на оваа апликација и Интернет пристап преку Wi-Fi конекција. Пристапот е целосно бесплатен, но ограничен од аспект на користење во вонредни ситуации.
Столбовите со опремата се поставени на локации каде нема GSM покривање, односно било каква друга можност за комуникација. Мапата со локациите на овие уреди може да се види на следниот линк.
Конференциска соба со симултан превод
Во конференциската сала на Инфо центарот инсталирана е безжична опрема за симултан превод. Оваа опрема користи FS-FHSS технологија и други дигитални техники за комуникација со цел да спречи мешање на сигнали, да постигне широк аудио опсег и совршен квалитет на звук. Покрај тоа, со AES технологија за криптирање безжично пренесените податоци се заштитени од злонамерни упади. Моќноста на уредите е таква што комуникацијата е стабилна во целото предвидено растојание со радиус од 500 метри и тоа само со една преносна единица за осум канали. Опремата може едновремено да врши пренос на два различни јазици, а секој слушател може да одбере кој канал кога сака да го слуша.
Двогледи
На две локации во паркот (мапа – линк) поставени се двогледи со кои може да се набљудува околината.
Куќиштето на двогледите е изработено од специјална легура на алуминиум, а во внатрешноста од не-‘рѓосувачки челик, со што се заштитени од топлина, замрзнување, дожд, снег, прашина и други временски влијанија. Поради ваквата изработка, неколку години нема да има потреба од посебни зафати за нивно одржување.